Target kan House Committee on Suffrage and Electoral Reforms na puonan sa Disyembre an pagtalakay sa propwestong ley na mabawal sa political dynasty o magkakapamilya sa gobyerno.
Sigun ki Lanao del Sur 1st District Representative Zia Alonto Adiong, na iyo man na chairman kan komite, prayoridad kan Kamara an Anti-Political Dynasty Bill sa irarom kan liderato ni House Speaker Faustino “Bojie” Dy III.
Binanggit ni Adiong na siyam an propwestong nakasunad ngunyan sa Kamara katakod kan anti-political dynasty, kaya hinahalat na sana ninda an consolidated o pinagsaro na bersyon kaini na iyong pagtitibayon man kan Kapulungan.
Para ki Adiong, napapanahon na ining pag ulayan tangani malinawan kun ano an eksaktong kahulugan asin saklaw kan pigkokonsiderar na political dynasty sa sarong pamilya.
