Naglalaom an Philippine Sports Commission (PSC) na malalampasan kan Pilipinas an nahakot nindang medalya kan nakalihis na taong-2023 Southeast Asian Games sa Cambodia.
Sa ginibong send-off ceremony kan 1,600 na Philippine team na masabak sa SEA Games sa Bangkok, Thailand, sinaysay ni PSC chair Patrick Gregorio na kayang lampasan kan mga parakawat kan Pilipinas an nakalihis na medalya.
Sa nakalihis na Cambodia SEA Games, nakakua an Pilipinas nin 58 gold, 86 silver asin 116 bronze medals.
Pig-anunsyar man ni Gregorio na igwang P6,000 na dugang na allowance sa gabos kan mga atleta asin coaches na masabak sa Thailand asin igwa man P18,000 na Christmas bonus.
An nasambitan ng kantidad an apwera pa sa P26,000 na saindang mareresebir komo SEA Games stipend.
