Naglalaom si Senator JV Ejercito na makusog pa an paghahatod nin health services makalihis na desisyunan kan Korte Suprema na ibalik kan gobyerno an P60 billion na pondo sa PhilHealth na inilipat sa National Treasury.
Sigun ki Ejercito, maikokonsiderar na “welcome” na pagtatama an pagbabalik kan nasambitan ng pondo sa PhilHealth.
Magpuon pa sa puon, pighurot na kaini na an pondong ini an sa PhilHealth asin bako ini dapat inapod na “excess funds” orog na ta kulang pa man an pondo para sa salud.
Nilalaoman ni Ejercito na magdagos-dagos an paglangkaw kan partisipasyon kan PhilHealth sa gastusing medikal huli ta kadakol sa mga kababayang nangangaipuhan asin nagagabatan sa gastuson sa pagpapa-ospital.
Sinaysay man ni Senator Christopher “Bong” Go na ini an bako sana dakulang trayumpo kundi ini man an hustisya sa mga Pilipino partikular sa mga sakit sa buhay na pasyente na napagkaitan nin bastante asin pakarhay na serbisyong medikal.
Pinagtibay man man desisyong ini kan Supreme Court na dapat pirmeng pig iinot an salud kan taumbayan.
