Pigsierto kan Malacañang na padagos na makusog an ekonomiya kan nasyon makalihis magluya pa sa 1.5% an inflation kan Nobyembre.
Sigun ki Executive Secretary Ralph Recto, huli ini sa mas maayos asin tapat na pamamayo na nagtatao nin tiwala sa mga mamumuhunan asin sa publiko.
Dakulang tabang man an paghinguha kan gobyerno na pababaon an presyo kan pagkakan asin siertuhon na bastante an supply kan bagas, gulay, asin karne.
Kun hababa an presyo kan barakalon asin man matatag an trabaho, mas nagdadakol an paggastos kan mga pamilya — tanda kan masiglang ekonomiya.
Huli digde, magkakaigwa man nin pagkakataon an Bangko Sentral na ibaba an interest rates tangani orog pang magrahay an negosyo asin kabuhayan.
Sinaysay man ni Recto na buhay asin aktibo an investments sa nasyon huli ta mas pinadali na an paglaog kan pribadong sektor sa mga proyekto.
Komo patunay kan good governance, pighurot kan Palasyo an mga lakdang sa flood control scandal siring kan pag-arestar asin pag-freeze kan ari-arian kan mga imbwelto asin pagsusubasta kan mga ilegal na luxury cars.
Pigsierto kan administrasyon na mas transparent asin maayos an paggamit kan pambansang pondo para sa 2026 tanganj na mamate kan kada Pilipino an benepisyo kan nagkukusog na ekonomiya.
