Kinumpirmar kan abogado kan negosyanteng si Charlie Atong Ang na si Atty. Gabriel Villareal na nagsumiter sinda nin ‘motion for reconsideration’.
Ini an kasunod kan matapos na an imbestigasyon nmkan Department of Justice asin irekumenda kan prosekusyon na dagusang mapakasuhan si Atong Ang asin iba pang respondente.
Sa naenot na pahayag kan abogado, sinaysay kaining laog kan mosyon an mga ebidensyang mawot na matawan pansin kan ‘panel of prosecutors’.
Nagtutubod an saindang kampo na dae soboot patas asin depektibo an iniluwas na resolusyon kan prosekusyon huli ta nakabase soboot ini sa mga spekulasyon kan whistleblower na si alyas ‘Totoy’ o Julie Dondon Patidongan.
Alagad sa ibong kaini, nanindugan an Department of Justice na dae makakaapektar sa iniluwas na resolusyon an pagsusunad nin mosyon kan kampo ni Atong Ang.
Sigun ki Justice Spokesperson Atty. Polo Martinez, an mosyon an dae pa man mapupugulan an saindang pagsasampa nin kaso laban sa mga indibidwal na imbwelto sa kaso.
Sa oras na maisakat na sa korte, nilalaomang kakahampangon ni Atong Ang asin iba pang respondente an mga kasong ‘kidnapping with homicide’ asin ‘kidnapping with serious illegal detention’.
