Nakaamba na an posibilidad na maarestar an bussiness tycoon na si Atong Ang katakod sa isyu o kasong kinakahampang kaini sa mga nawawarang mga sabungeros.
Sa kumpirmasyon ni DOJ Spokesperson Atty. Polo Martinez, pormal nang naisunad an kaso laban ki Ang asin 20 iba pang indibidwal na may koneksyon sa 10 counts of Kidnapping with Homicide asin 16 counts of Kidnapping with Serious Illegal Detencion.
Sigun ki Atty. Martinez, naisunad an kaso kan nakalihis na Biyernes sa Lipa City, Batangas, Sta.Cruz, Laguna asin San Pablo, Laguna.
Ipinaliwanag kan DOJ na basado sa Revised Rules of Criminal Procedure, an mga hukuman kun saen pigsunad an mga kaso an iyong magsusuri kun may umiiral na probable cause, basado sa mga ebidensiyang isinumiter asin sa resolusyon kan panel of prosecutors.
Maluwas man nin kaukulang warrant of arrest an DOJ laban sa mga akusado kun natukoy kan korte na may bastante na basehan. Idinawit kan whistleblower na si Julie “Dondon” Patidongan si Atong Ang sa pagkawara kan mga sabungeros.
Sa resolusyon kaini, nadiskubre kan mga prosecutor na an sinumpaang pag-amin ni Patidongan asin saiyang tugang na si Ellakim an nagpatunay na si Ang an soboot nagsagibo nin command responsibility asin aktibong pang iinkaminar sa mga oeprasyon kan kidnapping.
