Nakareseber an National Bureau of Investigation (NBI) nin bagong dashcam footage na pwedeng magin “substantial” sa nagpapadagos na imbestigasyon sa pagkagadan ni dating Department of Public Works and Highways (DPWH) undersecretary Maria Catalina Cabral.
Sa nasambitan ng footage, mahihiling si Cabral na nakatukaw sa concrete pavement sa pag-ultanan kan duwang safety barriers kan Disyembre 18, 2025.
Sigun sa NBI, posibleng ini an final footage ni Cabral na buhay pa. Mahihiling man sa video na mayo ining kaibahan magin an lunadan kaini.
An bagong development na ini nagpapahiling soboot kan mas malinaw na ideya kun ano an nangyari ki Cabral asin sinabi pa na an mga injury na tinamo kan dating opisyal kan makua an lawas kaparehas kun an sarong tawo mahuhulog sa sarong bangin.
Mientrastanto, sinaysay kan NBI na pigsuri na man ninda an anti-anxiety medication asin duwang blade na nakua na pagsadiri ni Cabral.
