Aram baya nindo mga ka-bombo, an ataman na Ido kan sarong pamilya sa Connecticut an opisyal na pigbisto komo tallest female dog in the world.
An nasambitan ng ido an igwang pangaran na Minnie asin igwang langkaw na 3 feet and 2 inches.
Susog sa report si Minnie an nag-abot sa North Stonington sa harong ninda Ken asin Lisa Nogacek kan ini duwang bulan pa sana.
Si Minnie an marekas na magtalubo kun saen sa enot kaining kompleanyo an nag-abot na sa gabat na 35 pounds.
Kan an nasambitan ng Ido an 2 taon may kabanga, piglaoman na kan pamilya na posibleng mag-qualify ini para sa Guinness World Records title.
Katakod digde, hinalat kan pet owners na mas orog pang maglangkaw an Ido sa edad 3 taon may kabanga.
Digde na nagrani an pamilya Nogacek sa Guinness World Records tanganing purbaran na makasungkit nin titulo.
Sa nasambitan ng pagpurbar, matrayumpo na naipuli ni Minnie an titulong tallest female dog in the world.
Si Minnie an mas halangkaw nin pirang pulgada sa dating record-holder na si Lizzy na pigsukulan kan nakalihis na November 14.
