Pigkokonsiderar ni Philippine Coast Guard (PCG) spokesperson for the West Philippine Sea Commodore Jay Tarriela na sarong patotoo na naggagana an transparency initiative kan gobyerno kasunod kan pagpapapod kan Chinese Foreign Ministry kay Philippine Ambassador to China Jaime FlorCruz.
Ini an igwang koneksiyon sa akusasyon kan China ki Tarriela na nagsasagibo soboot kan “smear campaign” kontra sa China kasunod kan paggamit ni Tarriela kan caricatures na naglaladawan ki Chinese President Xi Jinping sa sarong presentation katakod sa mga aktibidad kan China sa pinagtatalunang kadagatan.
Ini man an rason kaya nagsunad an China kan diplomatic protest kontra ki Tarriela. Alagad, pighurot kan PCG official na an transparency sa WPS an bakong probokasyon kundi ini an pagbubunyag sana sa kun sisay an “bully aggressor” asin an tunay na biktima.
Inihayag man ni Tarriela na mas ikinakatakot kan China an sarong mulat na kinaban kaysa sa international law.Piglunsar soboot an nasambitan ng inisyatibo kan PCH tanganing isapubliko an mga aktibidad kan China sa West Philippine Sea.
Pigrekomendar man kan PCG official an solusyon para sa nagtitinding tensiyon asin sinabing kun mawot kan China na itama an negatibong impact, dapat na puonan ini sa paagi kan pagrespeto sa 2016 arbitral award.
Siring man, sinaysay ni Tarriela na dapat i-withdraw kan China an iligal na inokupa kaining isla asin iuntok an panghaharass sa mga parasirang Pilipino.
