Bubusision kan House of Representatives kun pano ginagastos an natipon na bilyun-bilyong kantedad kan travel tax.
Ini an pigpahayag ni House Tourism Committee Vice Chairperson asin Palawan Rep. Gil Acosta kasunod kan pigsunad na prosopwesto ni House Majority Leader asin Presidential son Sandro Marcos tanganing halipn an travel tax sa nasyon,
Sigun ki Rep. Acosta, dapat na surion parehas an paggastos sa travel tax revenues antes asin makalihis kan COVID-19 pandemic tanganing matukoy kun an mga ini an naitatagama asin nagagamit para sa pagpapauswag sa industriya kan turismo.
Pigsaysay pa kan lehislador na nasa P4 billion hasta P5 billion an average travel tax collection kada taon kun saen napapaduman an natitipon na kanetdad sa Tourism Infrastructure and Enterprise Zone Authority, Commission on Higher Education asin cultural heritage sector.
Nagkapira sa mga isyung dapat masusing siripon kan Kongreso an biglaan na pagbaba kan koleksiyon puon 2020 hasta 2023 huli sa mga restriksiyon na pigpapautob sa kasagsagan kan pandemiya, kaya importante soboot na liwat na masuri kun pano piggagastos an mga pondo sa nakalihis na taon asin kun ano an epekto kaini sa turismo.
