Pinahimutikan kan Overseas Workers Welfare Administration (OWWA) na nagtatao sinda nin P150,000 sa mga Overseas Filipino workers (OFWs) na nagmawot na mag-uli.
Sigon sa OWWA na mayong katotohanan an nagkakalat sa social media na an mga OFWs na gustong mag-uli makalihis na ma-trap sa Middle East conflict an makakaresibe nin kwarta.
Ikinamumundo man ninda an pang-aabuso kan nagkapira sa paagi kan paggamit nin Artificial Intelligence (AI) tanganing magin magluwas na lehitimo.
Piglinaw ninda na pigtatao sana an financial assistance sa mga OFWs na labi-labi an pangangaipo.
Dugang pa kan ahensya igwa man sindang livelihood programs para sa mga OFWs na gustong magpoon nin bagong buhay sa nasyon, siring man training, scholarships, asin upskilling knowledge para sa mga OFWs na makakatabang sainda na makakua nin trabaho sa maabot na panahon.
