Pinangenotan ni Kiko Benitez kan Technical Education and Skills Development Authority sa syudad nin Naga City an paglansar kan Early Childhood Care Development (ECCD) NC III eLearning System sa probinsya nin Camarines Sur.
An programa obheto na mapakusog an pundasyon kan Education System sa nasyon paagi sa pagtao nin mas epektibong pagsasanay para sa mga magigin Day Care Workers.
Kasabay kan nasabing paglansar, nagradwar man an 98 na estudyante kan TESDA na nagtapos kan ECCD NC III course. An mga nagtapos naggikan sa iba’t ibang municipalidad kan probinsya asin inaasahang makakatabang sa pagpapakusog kan serbisyo para sa kabataan sa ira mga komunidad.
Ayon sa TESDA, saro sa mga pangunahing obheto kan programa an maresolbar an kakulangan sa bilang kan mga Day Care Workers sa iba’t ibang lugar sa bansa. Luwas pa digdi, layon man kan programa na mapataas an kapasidad kan sektor kan salud asin edukasyon paagi sa mas modernong sistema nin pagtuon.
Tinatawan man nin oportunidad kan nasabing kurso an mga Overseas Filipino Workers (OFWs) na naapektuhan kan kariribukan sa Middle East. Paagi sa eLearning System, mas magiging madali para sa mga nais magbalik-eskwela o maghanap nin bagong kabuhayan an pagkuha nin Technical at Vocational Skills.
Saro sa mga naging bisita sa aktibidad si Senator Sherwin Gatchalian, na nagtao nin inspirational message sa mga nagsipagtapos na estudyante. Sa saiyang mensahe, ginpabugtak niya an importansya kan edukasyon asin skills training bilang susi sa mas marhay na oportunidad asin mas matibay na kinabukasan para sa mga Pilipino.
