Nagtutubod si dating Presidential Spokesperson Atty. Salvador Panelo na bako itong pagbabanta an kontrobersiyal na pahayag ni Vice President Sara Duterte sa saiyang video kan Nobyembre 2024, kun saen sinabi kaini na may nakaulay nang magadan ki President Ferdinand Marcos Jr., First Lady Liza Araneta-Marcos, asin dating House Speaker Martin Romualdez.
Segun ki Panelo, saro sana itong panawagan sa publiko, bako banta.
Binalikan ni Panelo an naturang video kun saen igwa nin sinasabing “kondisyon” si VP Sara sa saiyang pahayag. Aniya, ipinapahiling lamang kaini na naghahagad nin tabang asin hustisya an Bise Presidente sakaling may mangyari sa saiya.
Dugang pa ni Panelo, nagsusumbong sana si VP Sara huli ta may pangamba ini sa saiyang seguridad asin naghahagad nin suporta sa taumbayan. An saiyang mensahe, sigon sa dating presidential spokesperson, iyo an panawagang ipaglantad asin ipaglaban an hustisya kun sakaling may mangyari sa saiya, lalo na laban sa saiyang mga pinaghihinalaan.
An video ni VP Sara kan Nobyembre 2024 an enot na ipinrisentar sa ikaduwa asin ika-tolong aldaw kan impeachment trial. Ini an sentrong ebidensya para sa Grave Threat Article kan Impeachment Complaint na kinakahampang laban sa Bise Presidente.
