Kinuwestiyon ni dating House Speaker asin Leyte 1st District Representative Ferdinand Martin Romualdez an pagiging patas kan Office of the Ombudsman sa pigkukundisir na imbestigasyon laban sa saiya, nin huli sa paggamit nin mga testigong dati nang kinuwestiyon an kredibilidad.
Segun kay Romualdez an sarong hinihagad kaini an pantay na pagtrato sa irarom kan ley. Segun pa saiya, naglalaom umano ang Ombudsman sa mga testigong dati nang itinuring na dae katubod-tubod sa tanggapan kan Department of Justice (DOJ).
Dawa mayong itinatao na pangaran an Kongresista, tinukoy ni Romualdez an mga testigo na igwang kasong Cyberlibel asin Perjury.
Segun paman, pinanindugan ni Romualdez na dae siya maurong sa laban asin padagos na hahampangon an imbestigasyon.
Kabali digdi an 18 dating bodyguard ni dating Ako Bicol Party-list Representative asin puganteng si Zaldy Co.
Mantang, sie-siertohon ni Assistant Ombudsman Mico Clavano na mapagkakatiwalaan an saindang mga iaatubang na testigo asin suportado kaini an mga ebidensya kan saindang mga salaysay.
Dawa may isyu sa joint affidavit kan 18 dating bodyguard, napatunayang malinaw asin magkakatugma man an saindang magkakasuhay na affidavits, partikular sa suboot na cash deliveries na sangkot sina Zaldy Co at Martin Romualdez.
