Iginiit ni defense team spokesperson Atty. Michael Poa na dai dapat magtao nin konklusyon an sarong testigo sa korte, eksperto man ini o ordinaryong saksi.
Matapos an ika-38 aldaw kan impeachment trial ni Vice President Sara Duterte, hinapot si Poa manungod sa testimonya ni financial forensic analyst Atty. Alexander Cabrera, na nagsuri sa mga financial record ni Duterte asin kan agom niyang si Atty. Manases Carpio puon 2022 sagkod 2025.
Segun ki Poa, pwedeng magpahayag nin propesyonal na opinyon an sarong expert witness base sa saiyang specialized na kaaraman.
Alagad, lininaw kan abogado na magkaiba an opinyon asin konklusyon.
Huli kaini, iginiit kan depensa na an mga pahayag asin pagsusuri ni Cabrera dapat timbangon kan mga senator-judge base sa mga ebidensiyang iprinisentar sa paglilitis.
