Nagpagirumdom an Department of Labor and Employment (DOLE) sa mga amo manungod sa tama na pasahod ngunyan na Nobyembre 2 o All Soul’s Day, na idineklara bilang Special non-working Day.
Segun sa Labor Advisory 18 kan DOLE, ipinapautob an prinsipyo na ” no work, no pay”.
Mantang an mga empleyadong magtatrabaho babayadan nin dugang na 30 percent sa saiyang pang-aldaw na sahod sa laog nin walong oras.
Kun labi sa walong oras an trabaho, babayadan an empleyado nin dugang na 30 percent sa kada oras na saiyang ipinagtrabaho.
Alagad kun an sarong empleyado nataon na day-off asin pinatrabaho kan kompanya, babayadan siya nin dugang na 50 percent sa saiyang pang-aldaw na sahod sa enot na walong oras.
Kun ini lumampas sa walong oras, babayadan ini nin dugang na 30 percent kan saiyang pang-aldaw na sahod.
