Dinepensa kan House of Representatives (HOR) an paglilipat nin pirang pondo sa irarom kan panukalang 2027 national budget, huli sa mabagal na paggastos kan pirang ahensiya.
Nabatid nasa P15.33 bilyong pondong pangsakuna an dae nagamit asin pwedeng ilaan sa mga programang mas marikas na maipatutupad.
Segun ki Bataan 2nd District Rep. Albert Garcia, senior vice chair kan House Committee on Appropriations, natukoy kan mga mambabatas sa mga pagdangog an mga programang mabagal an implementasyon asin igwang natatadang pondo.
Sinabi niyang inilipat an pirang pondo sa mga prayoridad na programa para maiwasan na mamantenar na nakatengga an kwarta kan nasyon. Inaayos kan mga ahensiya an saindang sistema sa pagpapatupad kan mga proyekto.
Tinawan-doon ni Garcia na mga piling programa lan an apektado kan mga pagbabago asin bako an kabuuang badyet kan sarong ahensiya.
Mientrasanto, naunambitan ni FPJ Panday Bayanihan Party-list Rep. Brian Poe ang P15.33 billion an dae nagamit na pondo kan Disaster Rehabilitation and Reconstruction Assistance Program sa irarom kan National Disaster Risk Reduction and Management Fund, segun sa tala kan Hunyo 30, 2026.
