Pigg-imbitaran kan Appeals Chamber of the International Criminal Court (ICC) an Office of the Prosecutor asin Office of Public Counsel for Victims (OPCV) na magsumiter nin dugang na obserbasyon sa pagbasura sa apelar ni dating Presidente Rodrigo Duterte na nagkukuwestiyon sa jurisdiction kan kaso.
Sa anom na dahong kasuguan na igwang petsang Disyembre 16, sinaysay kan ICC Appeals Chamber na importante ini tanganing maaraman ninda an tamang disposal kan apelar.
Pigtawan sinda nin hasta alas-4 nin hapon kan Enero 16, 2026 na magsumiter nin dugang na obserbasyon.
Mantang an kampo kan dating Presidente an pigtugotan na magsimbag nin alas-4 nin hapon nin Enero 23, 2026.
Sinayumahan man kan ICC Appeals Chamber an kahagadan kan depensa na magtao sinda nin kasimbagan sa nagin komento kan Deputy Prosecutor dapit sa inapelar kan mga abogado kan dating Presidente kun saen mayong jurisdiction an ICC huli ta nagkalas na an Pilipinas sa ICC.
Marurumduman kan nakalihis na Nobyembre, nagsunad an abogado ni Duterte nin Appeals Brief na nagdedetalye kan argumento sa paghirit ninda kan pagbaliktad kan desisyon kan ICC Pre-Trial Chamber I asin pighagad man ninda an tulos asin unconditional release kan dating Presidente.
Pighagad man kan Office of the Prosecutor asin OPCV an ICC Appeals Chamber na ibasura an apelar kan depense na nagkukuwestiyon sa jurisdiction sa kaso ni Duterte.
Hurot kan Office of the Prosecutor na pig-uutro sana kan kampo kan dating Presidente na pig-uutro sana kan kampo kan dating Presidente an mga naenot ng pigbasura na mga argumento.
Marurumdumang nakakulong ngunyan an dating Presidente sa International Criminal Court huli sa kasong war againts humanity sa pigpautob kaining war on drugs puon pa kan ini an alkalde kan Davao City hasta magin Presidente kan Pilipinas.
