NAGA CITY – Pig-orgulyo ngunian kan Archdiocese of Caceres an pagkakapili sa pading Pinoy komo bagong lider kan Dominican mission sa bilog na kinaban.
Sa mensaheng ipinaabot ni Archbishop Rolando Tria Tirona sa Bombo Radyo Naga, sinaysay kaining sarong onra sa Philippine Dominican Friars asin simbahang katoliko sa nasyon an pagkakailihir ki Fr. Gerard Francisco Timoner III komo master of the Order of Preachers o mas bistado komo Dominican Order asin kaenot-enoteng Asyanong makapot sa nasambitan ng posisyon.
Sigon ki Tirona, an pagkapot ni Timoner sa nasambitan ng halangkaw na posisyon an pagpapahiling sana na pigbibisto kan Domenicans an leadership qaulities kan mga Pinoy.
Sarong onra man soboot ini para sa Bicol Region kunsaen tubong Daet, Camarines Norte si Timoner.
Katakod kaini, iningkaminar ni Tirona an gabos na suportahan asin ipangadyi an nasambitan ng Bicolanong Padi para sa kakaputan kaining dakulang responsabilidad.
