Pigsaysay ni ASEAN Business Advisory Council (ASEAN-BAC) 2026 Chair asin Go Negosyo founder Joey Concepcion, an pagho-host kan Pilipinas sa ASEAN Summits 2026 sarong napapanahong pagkakataon tanganing ipahiling sa mundo na an nasyon preparado, mapagkakatiwalaan, asin bukas sa negosyo.
Susog sa sarong pahayag, sinaysay ni Concepcion na nag-aabot an ASEAN 2026 sa sarong kritikal na yugto para sa Pilipinas, makalihis an sarong taon na minarkahan kan mga isyu kaan katiwalian na nakaantig sa tiwala kan publiko asin kan mga mamumuhunan.
Dugang pa kaini, dapat gamiton kan nasyon an pagkakataong ini tanganing malinaw na ipahiling na dae pigkukunsinti an katiwalian asin may paninimbagan an siisay man na mabalgar.
Pigtawan duon man kaini na an taong-long chairship kan Pilipinas sa ASEAN maserbeng patotoo na kaya kan nasyon an propesyonal asin may integridad na pamamahala kan pandaigdigang ugnayan asin pamumuhunan.
Komo magigin katuwang kan Presidente gikan sa pribadong sektor, sinaysay ni Concepcion na an pagho-host kan ASEAN nangyayari sarong bes sana kada 11 taon, kaya importante an masusing pagpepreparar.
Dakol grupo sa negosyo asin industriya an nagpahayag na kan interes na makiparte sa paghubog kan rehiyonal na adyendang pang-ekonomiya.
An ASEAN Business and Investment Summit piglalaomang matipon kan ribo-ribung pandaigdigang lider, CEO, asin top executives na mahubog sa direksiyon kan ekonomiya kan rehiyon.
An opisyal na turnover kan ASEAN-BAC chairship gikan sa Malaysia pasiring Pilipinas ikukundusir sa Malacañang sa Enero 29, kun saen maatendir asin matao nin keynote message si Presidente Ferdinand Marcos Jr. Ini patotoo kan matibay na public-private partnership kan administrasyon.Pagbawi kan tiwala asin panghaluyang kaunlaran.
An tema kan ASEAN-BAC 2026 iyo an “Navigating Our Future Together: Advancing Prosperity for All,” kasabay ng ika-25 anibersaryo ng konseho.
An Philippine chairship mabukas man sa enot na yugto kan ASEAN Economic Community Strategic Plan pasiring sa ASEAN Vision 2045, asin sa pormal na partisipasyon kan Timor-Leste komo pinakabagong kasapi.
