Pigtawan duon ni Senate Committee on Finance Chairman Senador Ping Lacson na dapat na palibrehon an mga ayuda program kan Department of Social Welfare and Development (DSWD) gikan sa salang paggamit kaini kan mga pulitiko puon 2026.
Ini makalihis soboot maabuso kan nakaaging mga eleksyon.
Sa deliberasyon sa prosopwestong pondo kan DSWD para sa 2026, pigtawan duon ni Lacson an dakulang paglangkaw kan AICS allotment kada election years, partikular kan 2022 asin 2025.
Naglangkaw nin 68.8 porsyento an pondo—puon P23.56 bilyon kan 2021 pasisiring sa P39.76 bilyon kan 2022.
Siring man, puon 2024 hasta 2025, naglangkaw an pondo nin poco mas o menos 30 porsyento—puon P34.27 bilyon pasiring P44.44 bilyon.
Mientrastanto, pigkuwestiyon man ni Lacson an pagkundusir nin darakulang pagtitipon para sa distribusyon kan ayuda kun saen present an mga lehislador—na nagigin political event asin nagpapakusog kan patronage politics.
Sa pirang pagkakataon, pinipirit pa soboot an DSWD na magpahiling kan dakulang turnout sa siring kaining mga pagtiripon kada election season. Pigsambit man ni Lacson an insidente sa Iloilo City kun saen pig-report kan mga residente na kadaklan kan saindang P10,000 DSWD cash aid kinua kan mga indibidwal na konektado sa personnel kan barangay asin city hall makalihis an payout.
Sa pira pang kaso, mayo man maginibo an mga residente huli ta Baad dae sinda maiiba sa masunod na distribusyon.
Pigtawan duon man ni Lacson na dapat pabayaan na ipautob kan mga personnel kan DSWD an mga ayuda program na mayong panlalaog kan mga pulitiko tanganing dae ini magamit para sa patronage politics.
