NAGA CITY-Gadan na kan madukayan an lawas kan sarong babae sa Mauban, Quezon mantang pinagtutubudan man ining nalamos.
Binisto an biktima na si Dashel, residente kan Brgy Soledad, Mauban, Quezon.
Sa nagunong impormasyon kan Bombo Radyo Naga sa Quezon Police Provincial Office, nakakua soboot nin impormasyon an Mauban Municipal Police Station gikan sa sarong Barangay Kapitan na si Michael Diasanta na may nahiling na lawas na nagpapataw-pataw sa Maapon River sa Sitio Pansacola Brgy. Bagong Bayan, sa nasambitang banwaan.
Tulos man ining dinumanan kan kapulisan kan Mauban MPS tanganing imbestigaran an insidente.
Basado sa inisyal na imbestigasyon kan kapulisan, huring nahiling an biktima ala-1 nin hapon kan Abril 24, 2024 sa salog antes ini nawara.
Igwa man ining helang na epilepsy asin igwa nin mental health disorder.
Tulos man na pigdara an biktima sa sarong ospital alagad pigdeklarar man sana kan doktor na mayo na ining buhay.
Sa ngunyan, nagpapadagos pa an imbestigasyon kan mga awtoridad manunungod an insidente.
