Aram baya nindo mga ka-bombo, naipuli kan babae gikan sa Washington an Guinness World Record para sa saiyang manlaen-laen na koleksyon kan nasa 4,060 jigsaw puzzles.
Binisto an babae na si Liza Fireman, 46-anyos kan Bellevu, Washington
Sigun ki Liza, nagpuon ini sa pagkolektar nin puzzles kan 2019 asin puon kaidto an nakatipon na nin rinibong designs haros gikan sa saiyang paboritong manufacturer, na Ravensburger.
Dae soboot kaini kamawotan na makaputan an world record imbes labi kaya an saiyang pagkahiling na magkolektar nin mga puzzles.
Mientrastanto, an nasa 4,060 collection kan jigsaw puzzles an bastante na tanganig maipuli an Guinness World Record para sa pinakadakol na collection kan jigsaw puzzles.
Naagaw ni Liza an titulo ki John Walczak na igwang kabilugang koleksyon na nagpapakol sa 2,022 kan 2023.
Sa ngunyan, pigsierto ni Liza na mapadagos ini kan saiyang hilig huli ta nagdadara ini sa saiya nin dakulang kaogmahan.
