Liwat na nangapudan an Bureau of Internal Revenue sa publiko na makipagtabangan sa sainda tanganing masawata an mga seller asin distributor kan mga dae awtorisadong vape products.
Sa sarong patara-tara, pigsaysay ni BIR Commissioner Romeo Lumagui Jr. na padagos an saindang mga pigsasagibong operasyon kontra sa mga ilegal na tindahan kan vape.
Paliwanag pa kan opisyal na dakula an nawawara sa kita kan gobyerno huli sa mga ilegal na vape products huli man ta dae nagbabayad nin buwis an mga ini.
Soboot, igwang huma man ini sa salud kan publiko huli dae ini nag-agi sa kaukulang regulatory agency tanganing masuri.
Kaipuhan munang mag-agi ini sa pagsusuri kan Department of Trade and Industry, Department of Health , asin Philippine Bureau of Product Standards.
Pighimok man ni Lumagui an publiko na magin mapanuri sa pagpili kan mga vape products.
Siertuhon na hilingon an PS Marking asin BIR Seal na nakadukot sa lambang produkto patunay na ini lehitimo asin nag-agi sa mga regulatory agencies.
