Pighayag kan Brazil na pigtatapoz na kaini an mga dokumento tanganing opisyal na magbali sa kaso kan South Africa kontra sa Israel sa International Court of Justice (ICJ) katakod kan soboot genocide sa Gaza.
An kaso na pigsunad kan South Africa kan nakalihis na taong-2023 an nag-aakusar sa Israel kan pagbalgar sa 1948 Genocide Convention huli sa mga pag-atake kaini sa mga sibilyan sa Gaza sa tahaw kan digmaan kontra sa grupong Hamas.
Sigun sa reklamo, tinarget soboot kan Israel bako sana an Hamas kundi pati an mga eskwelahan, ospital, camps, asin shelters.Katakod pa kaini, nagbali na man sa kaso an nagkapirang nasyon siring kan Spain, Turkey, asin Colombia.
Sa pahayag kan Brazil, pigkondenar kaini an mga pagbalgar sa international law na piggigibo soboot kan Israel kaibahan na an mga sapiritang pag-aangkin kan mga teritoryo.
Dugang pa kaini, an matinding pagkaanggot sa naeksperyensiyahang karahasan kan mga sibilyan.Maduon man na pinahimutikan kan Israel an mga akusasyon asin pigtawan-duon na obheto sana kaini an lusubon an Hamas.
Pig-apod kan mga abogado kan Israel an kaso kan South Africa komo salang paggamit kan genocide convention.
Mientrastanto, tinuligsa man kan Israeli embassy sa Brasilia an pahayag kan Brazil, asin sinaysay na dae kaini lubos na nailaladawan an totoong kamugtakan sa Gaza asin pigbabalewala man soboot kaini an papel kan Hamas.
Pigkondenar man kan Brazilian National Israeli association (CONIB) an desisyon, asin pig-apod ining “The breaking of Brazil’s long-standing friendship and partnership” sa tahaw kan Brazil asin Israel.
Alagad maski haloy nang kritiko ni Presidente Luiz Inacio Lula da Silva an mga aksiyon kan Israel sa Gaza, mas magabat an boot sabihon kan lakdang na ini ngunyan, orog na ta nagtitinfi na man an tensiyon sa pag-ultanan kan Brazil asin Estados Unidos na kaalyado kan Israel.
Siring man, sigun sa sarong diplomat na harani sa administrasyong lula, dae piglalaoman kan Brazil na maapektaran an relasyon kaini sa Washington sa ibong kan nasambitan ng isyu.
