Pinorbaran kan World Health Organization (WHO) na patatagon an pananalapi kaini sa taunang pag urulay na natapos kan nakalihis na aldaw nin Martes alagad nagtitinir na kulang pa man sa pag-abot sa nabawasang target kaini.
Makalihis na mag-withdraw an pinakadakulang donor– an Estados Unidos, binawasan kan WHO nin mas kadikit na budget kaininpara sa 2026-2027 gikan sa $5.3 bilyon sa $4.2 bilyon.
An program budget kan UN health agency para sa 2024-2025 ay $6.8 bilyon.
An pinakamasadit na budget plan an inaprubaran sa panahon kan World Health Assembly na nagsirbi komo WHO decision-making body. Alagad nagtitinir an agwat sa pagpopondo na poco mas o menos $1.7 bilyon.
Kan nakalihis na taong 2022, nag uyon an mga miyembrong estado na taasan an saindang mga na-assess na kontribusyon tangani kumatawan sa 50 porsyento kan mayor na badyet kan WHO sa pinakahuring cycle kan taong 2030-2031 — na nagtatao sa WHO nin mas matatag, flexible asin man predictable na mga stream kan kita.
Piglangkaw ninda an mga bayadan sa membership nin 20 porsyento komo parte man kan 2024-2025 na badyet.
Inendorso man ninda an 2026-2027 na badyet kan WHO na $4.2 bilyon. Alagad, nangangahulugan sana ini na an ahensya ay kulang pa man giraray nin $1.7 bilyon, sa ibong ma kan pinakahababang badyet
