Pigkumpirmar kan Estados Unidos na posibleng maipagpadagos an ceasefire deal sa pag-ultanan kan Lebanon asin Israel magpuon Pebrero 18 kan presenteng taon.
Enot nang sinabi kan Israel na matinir sa south Lebanon an saindang mga militar sa ibong kan pigtalaan na deadline.
Susog sa White House, padagos an saindang pigsasagibong monitoring sa nasambitan ng kasunduan sa pag-ultanan kan duwang nasyon.
Sa nakalihis na pag-atake kan Israel sa Lebanon, maabot sa 22 katawo an binawian nin buhay kan nakalihis na aldaw nin Dominggo.
An giyera sa pag-ultanan kan Israel asin man Lebanon o militanteng grupo na Hezbollah an nagsiklab makalihis na makisimpatya an Hezbollah sa giyera sa pag-ulatan man kan Israel asin Hamas sa Gaza.
Dae naman binanggit kan Israel kun hasta sa nuarin madurar an saindang mga tropa sa southern Lebanon kun saen padagos an operasyon kaini laban sa Hezbollah. Padagos kaining pigraraot an mga building huli sa pagtubod na pigtataguan ini kan mga militanteng grupo.
