NAGA CITY-Nakatutok ngunyan an Department Of Agriculture sa pagpapamarhay sa lado kan mga paraoma sa bilog na Bicol Region asin sa bilog na nasyon.
Ini an pigheras sa pigkundusir na Information Caravan 2024 na kun saen pinagpartisiparan kan mga paraoma na gikan sa 15 Municipalidad sa Camarines Sur.
Sa nagin patara-tara ni Emerson Yago- Director for rice clustering and consolidation kan DA, CO, sinaysay kaini na sa presente, nagbibilog sinda nin clustering sa Bicol Region na kun saen nagkukundsir sinda nin briefing sa mga asosasyon, kooperatiba asin iba pang grupo.
Ini an nasairarom soboot kan Masagana Rice Industry Development Program na holistc an approach. Boot sabihon, gabos na mga magkakanigong ahensiya an pigta-tap bako sana an DA tanganing makatabang sa mga paraoma.
Paliwanag pa ni Yago, obheto kan nasambitan ng clustering an magkaigwa nin boses an mga local farmers tanganing makapag negosasyon nin marhay dapit sa presyo kan inputs kan mga paraoma.
Dugang pa kan opisyal, kun sararo an mga paraoma mas madadangog an saindang tingog kung ikukumparar sa solo-solo sana na dipisil an pakikipag-negosasyon.
Apwera digde, sa paagi man kan clustering mas mapapadali an interbensyon na itinatao kan gobierno asin mas magigin madali an connection sa lambang mga paraoma.
Sa pangkabilugan, pinaka-obehto kan pagkundusir kan Information Caravan 2024 an tabangan an mga paraoma na mag-level up tanganing mapamarhay an saindang buhay.
Sa ngunyan, hagad na sana kan opisyal an pakikipagtabangan kan lambang mga farmers para sa ikakauswag kan saindang sektor.
