Pighayag ni Commission on Elections Chairman George Erwin Garcia an pagkadismaya kan komisyon sa mga politikong nagkuriyat na lawgon sa mga poster sa tinampo asin may mga patalastas na dawa na dae pa nagpupuon an election asin campaign period.
Segun pa ki Garcia, dawa na sinda ay namumundo sa mga siring na tahasang ginigibo kan mga politiko, an presenteng ley kan nasyon ay dae sakop an premature campaigning, buot sabihon dae ini mapapauntok kan komisyon nin huli sa dae pa sinda pigkokonsiderar na kandidato kan Korte Suprema asin mlaog sana an saindang kapangyarihan sa Enero 12 o an puon kan election period.
An mga politiko na ini ay bibistuhon sana komo kandidato sa enot na aldaw kan campaign period sa Pebrero 12 para sa national elections asin Marso 28 man para lokal na lebel.
Kaya man pigpagirumdom ni Garcia an mga politiko na ‘maghinay-hinay’ sana muna nin huli ta tatawan sinda nin 45 na aldaw o 90 na aldaw tangani na mangampanya.
