Nag-urulay asin nagkasundo na an Department of Agriculture (DA) asin mga stakeholders sa industriya kan orig na mas gibuhong strikto an implementasyon kan maximum suggested retail price.
Ini an makalihis na magsagibo nin inspeksiyon an departamento sa pirang darakulang merkado sa Metro Manila kun saen namataan kan mga opisyal kan ahensiya an hababang compliance kan mga retailers sa napag-ulayang MSRP.
Sigun ki Usecretary for Livestock Dante Palabrica, an kasunduan an obhetong malikayan an mas kadakol pang implementasyon kan mga interventions na pwedeng makaraot sa presyuhan kan mga basic commodities sa mga merkado.
Dapat man soboot na sunudon an mga pigtalagang MSRP tanganing magtinir na balanse an kita sa tahaw kan mga producers, traders, retailers asin consumers.
Mientrastanto, naenot na digdeng pighagad ni Agriculture Sec. Francisco Tiu Laurel Jr. sa pork industry na suportaran an mga inisyatibo asin planong ini kan saindang ahensiya tanganing maibweltada an haros 14 milyong imbentaryo kan mga orig sa nasyon antes pa man an nagin danyos kan African Swine Fever (ASF).
