Paramientras nang ipinagbawal kan Department of Agriculture an pag-aangkat kan mga gamgam asin mga poultry products na gikan sa nasyon kan New Zealand.
Basado sa ipinaluwas na memorandum kan ahensiya na pirmado ni DA said Agriculture Secretary Francisco Tiu Laurel Jr., ipinagsugo kaini an tulos na pagsuspinder sa processing, evaluation asin pagtatao nin sanitary asin phytosanitary import clearances para sa gabos nin domestic asin wild birds.
Ipinagbawal man an pag-aangkat kan mga produktong sugok, sisiw, semen asin poultry meat gikan sa nasambitan ng nasyon.
Piglinaw man kan ahensiya sa saindang kasugoan na dae kaibahan sa pag ban an mga in transit, loaded asin pig-ako sa mga pantalan na produkto antes an pagluluwas kan memorandum.
Kaipuhan sana na magpresentar nin patunay na an nasambitan ng mga imported na gamgam asin poultry products an pigkatay o na produced antes an November 9, 2024.
Ipinagsugo na man kan ahensiya sa mga quarantine authorities na kumpiskaron an mga poultry commodities na kaibahan sa pigpaluwas na kasugoan kan ahensiya.
