Piglalaoman ni Agriculture Secretary Francisco Tiu Laurel Jr an dakulang pagbaba kan presyo kan paroy sa Enero. Resulta man ini kan pagbaba kan taripa sa bagas hali sa 35% pasiring sa 15%.
Sigun ki Laurel, piglalaoman na mapuon nang magbaba an presyo kan bagas sa Oktubre huli sa desisyon kan gobyerno na bawasan an import tariffs.
Dugang pa kan sekretaryo, dae pa man lubos na namamatian an piglalaoman na pagbaba kan presyo kan bagas huli ta pinadakula kan mga negosyante an pag-import kan bagas bilang preparasyon sa kakulangan nin supply dara kan El Niño.
Alagad, an bilog na epekto kan pagbawas sa taripa mamatean sa Enero 2025.
Sa prediksyon kan economic managers, piglalaoman ninda na an presyo kan kada kilo nin bagas mababa nin poco mas o menos ₱5-₱7 huli sa pagbaba kan taripa.
