Presenteng nakaalerto ngunyan an Department of Agriculture (DA) Disaster Risk Reduction and Management Section para sa mga posibleng epekto kan nagin pagsabog kan Bulkang Kanlaon sa mga lokal na paraoma.
Sa sarong pahayag, pighayag kan departamento na presenteng mayo pa man naikukurit na mga danyos asin losses sa agrikultura partikularmente na sa sektor kan pag-oma asin magin sa fisherie sector.
Sigun sa ahensiya, nagsagibo na an saindang opisina nin close monitoring sa mga kondisyo kan mga sektor na ini para sa detection kan potential impacts kan Kanlaon.
Kaibahan sa mga susurion asin pighihiling na marhay kan ahensiya sa ngunyan iyo an waterways asin irrigations systems sa mga parteng ini para sa mga posibleng kontaminasyon.
Mientrastanto, nakapagkurit na man an ahensiya nin Livestock Rescue Vehicle sa mga apektadong lugar asin darahon sa DA Negros Occidental Research Outreach Startion sa La Carlota City komo masirbing evacuation centers kan mga livestock gikan sa hararaning lokal na gobyerno.
