Plano ngunyan kan Denmark an pag introdusir kan social media ban sa mga kaakian na nag eedad 15 anyos pababa.
Dai na magibong pig-espesipikar pa ni Primer Ministro Mette Frederiksen kun arin na mga social media network an mahuhulog sa irarom kan pag-ban, asin sa kun pano ini magigin epektibo, sa nagin pag anunsyar kaini sa inisyatiba sa sarong diskurso sa parlamento sa pagbukas kan autumn session.
An ley, na an timeline kaini dai pa nadedeterminaran, matao nin awtorisasyon sa mga magurang na tugutan an saindang aki na gamiton an social media poon sa edad na 13.
An mga cell phone kaya asin social media naghahabon sa mga aki kan saindang childhood.
Sigun ki Frederiksen, 60 porsyento kan mga Danish boys na may edad 11 hasta 19 anyos mas gustong magtinir sa harong imbes na makihalubilo sa mga amigo. An Australia an nagin leader sa global efforts tanganing malikayan an danyos sa internet sa mga hobenes.
Kan huring parte kan taong 2024, an parliamento kaini nag-adaptar nin pagbabawal sa social media para sa mga nag eedad 16 anyos pababa.
An mga Platforms siring kan Facebook, Snapchat, TikTok asin YouTube kabali sa remit kan pagbabawal kan Australia.
Asin kan bulan man nin Hunyo, an Greece nagproponer na magbugtak nin “age of digital adulthood” sa bilog na 27-nasyon European Union, na an boot sabihon an mga kaakian dai makaka-acess sa social media na mayong pagtugot kan mga magurang.
