Piglunar kan Department of Justice katuwang an nagkapirang ahensiya kan gobyerno an ‘revised protocol’ para sa case management kan mga biktima kan Child abuse, neglect exploitation asin discrimination.
Kun saen obheto digde na mas magin komprehensibo asin gibuhong ‘standardized’ sa kun papano an pagpapakarhay kan case management sa naabusong mga biktimang kaakian.
Sigun ki Justice Undersecretary Raul T. Vasquez, an paglulunsar kan revised protocop an huli kan pagkakaiba o ‘disparity’ sa mga prayoridad na programa kan gobyerno para sa mga kaakian.
Saiyang ipinag-orgulyo pa na an bagong ipiglunsar na protocol na binilog kan Committee for the Special Protection of Children (CSPC) an proactive asin mas marekas na masabutan.
Makapagtatao soboot ini nin proteksiyon, asiste asin tabang sa mga aking biktima kan abuso asin iba pa sa saindang mga buhay.
Mientrastanto, komo katuwang na ahensiya an National Bureau of Investigation, ipigheras ni NBI Dir. Ret. Judge Jaime Santiago an mga aksiyon kan kawanihan.
Saiyang pigtuyaw an mga magurang na imbwelto sa ‘exploitation’ na mismong sinda pa an nagpapabakal sa mga ibini-video sa saindang mga biktimang aki.
Kaya saiyang ipinag-orgulyo na igwang mga napanimbag na an NBI asin kadakol na man an nasunadan nin kaso.
