Inihayag kan Philippine Coast Guard (PCG) na dae ninda naipalupad an saindang drones kan nakalihis na Agosto 11 sa insidente kan banggaan kan duwang barko kan China sa Bajo de Masinloc huli soboot sa posibleng signal jamming.
Sigun ki Commodore Jay Tarriela, tagapagtaram kan PCG para sa West Philippine Sea, nagtutubod sindang pigtuyo kan China na pugulan an saindang sistema tangani dae madokumento an pangyayari.
Dugang pa kaini, ini na an primerong pagkakataon na naka-eksperyensya an PCG kan electronic jamming sa lugar.
Sa ngunyan nagsasagibo na sinda nin ebalwasyon sa kun pano mag lunsar liwat nin drones asin mapugulan an PROC sa pag-ulang kan signals.
Hurot pa ni Tarriela, bako an Pilipinas an igwa nin paninimbagan sa banggaan kan barko kan People’s Liberation Army Navy asin China Coast Guard harani sa Bajo de Masinloc.
An nagin rason soboot kan tensyon an huli sa peligruso na gawi asin man illegal presence sa laog kan exclusive economic zone.
