Nagpadara tulos an Department of Social and Welfare and Development (DSWD) nin mga family food pack sa mga pamilyang nag-ebakwar sa Tipo-Tipo, Basilan huli sa tensiyon sa tahaw kan Moro Islamic Liberation Front (MILF) asin mga grupo kan kriminal.
Sigun sa DSWD, enot ng ipinadara an 2,500 na kahon kan family food packs (FFPs) sa Isabale City, Basilan sa paagi kan RoRo ( Roll on-Roll off) vessel.
An tabang na ini an paenot na suporta kan DSWD, sa pangengenot ni Secretary Rex Gatchalian sa lokal na gobyerno kan Basilan.
Ipigheras tulos ini sa mga apektadong pamilya tanganing masimbagan an saindang pangangaipuhan sa pagkakan mantang igwang tensiyon sa lugar.
Sinugo na man an Field Office 9 sa Zamboanga Peninsula na dugangan pa an mga family food pack asin iba pang kagamitan na kaipuhan kan mga apektadong residente.
