Preparadong magtao nin tabang an Department of Social Welfare and Development (DSWD) sa probinsiya kan Negros kasunod kan pagputok nin Bulkang Kanlaon kasubangi.
Sa saindang opisyal na pahayag, pigsaysay kan DSWD na preparado sindang magsimbag sa enot na pangangaipuhan na ikakawsa kan nasambitan ng pag-aalburuto kan bulkan.
Dugang pa kan ahensya, makakalaom an mga residente kan nasambitan ng lugar na matatawan sinda nin mga tolos asin marhay na serbisyo.
Pigsierto man kan opisina na bastante an mga suplay na naka-preposition sa saindang mga warehouse para sa tolos na pangangaipuhan.
Katakod kaini, basado sa report kan Philippine Institute of Volcanology and Seismology (PHIVOLCS), pirang barangay sa Negros Occidental asin Negros Oriental an naireport na naapektaran kan ashfall gikan sa Bulkang Kanlaon.
