Nag-anunsyo an Department of Trade and Industry (DTI) na posibleng magkaigwa nin paglangkaw kan presyo kan nagkapirang barakalon pagkatapos kan Abril 16, kasunod kan temporaryong price freeze agreement sa pag-ultanan kan mga manufacturers asin retailers.
Sigon ki Trade Secretary Cristina Roque, dae magkakaigwa nin paglangkaw sa presyo kan mga basic necessities asin prime commodities sagkod sa Abril 16, alagad piglalaoman na masunod an mga adjustment para sa nagkapirang produkto pagkatapos kaini.
Pigsierto kan DTI na magdadanay na stable an presyo kan labi sa 200 na mga basic goods, kabale na an canned goods, gatas, kape, sabon, asin bottled water sa laog kan nasabing panahon, mientras na nagpapadagos an monitoring asin weekly meeting sa mga manufacturers.
Mientrastanto, sinabi kan Department of Agriculture na mantenidong stable an supply nin pagkakan kan nasyon sa ibong kan global uncertainty asin tensyon sa Middle East, dawa ngani pigbabantayan kaini an posibleng epekto sa lana asin fertilizers.
Nagpatanid man an DTI kontra sa hoarding asin profiteering, asin pigduon na mahigot na ipapautob an Price Act laban sa mga mabalgar.
