Pigkondena kan Group of Seven (G7) foreign ministers an mga peligrusong maritime actions kan China sa West Philippine Sea (WPS).
Sa sarong joint statement, pinuna kan mga ministro an paggamit kan China nin water cannon, peligrusong maniobra, asin an pag-deploy nin coast guard asin maritime militia sa nasambitan ng lugar tangani sana na takuton an ibang nasyon.
Segun sa G7, pigkahadit ninda an sitwasyon sa WPS huli na man sa mayong untok na agresyon kan China.
Partikular na pigtukoy kan mga ini an piggigibo kan nasambitan ng nasyon kontra sa mga Philippine asin Vietnamese vessel.
Hurot kan G7, mayong legal na basehan sa ‘expansive maritime claims’ kan China sa WPS, o buyagyag na pagkamkam sa teritoryo kan ibang nasyon asin dagusan na pagtukoy sa mga ini komo sadiring teritoryo. Pigtawan duon kan grupo an pagtutol sa militarisasyon, pananakot, asin paghahadi-hadian kan China sa nasambitan ng kadagatan.
An pahayag an pigtintaan kan mga kinatawan kan Canada, France, Germany, Italy, Japan, UK, US, asin European Union.
Nagpasalamat man si Department of Foreign Affairs (DFA) Secretary Enrique Manalo sa nagin pagtindog kan G7.
Segun ki Manalo, an pag-suporta kan grupo sa kasarigan asin katoninungan sa West Philippine Sea an importanteng lakdang tanganing mamantenir an malaya asin bukas na Indo-Pacific Region, susog sa mga probisyon kan United Nations Convention on the Law of the Seas.
