Pig-aprubahan kan Israel security cabinet an pagpapahewas kan military operations sa Gaza kabali na an pagkubkob sa Palestinian territory.
An nasambitan ng kapahayagan makalihis na apudan kan Israel an ribong mga reservists para sa opensiba.
An lakdang pa na ini kan Israel an katakod kan padagos na pangapudan kan United Nations asin aid organizations na untukan na an krisis.
Pig-uyunan soboot kan mga miyembro kan gabinete an plano kabali na an dagusang pagkubkob sa Gaza Strip.
Marurumduman, liwat na pinadagos kan Israel an saindang operasyon sa Gaza kan March 18 makalihis an haros duwang bulan na untuk putukan na ipinautob puon kan magbungkaras an giyera kan October 2023.
Puon kaidto padagos na an Israel sa saindang airstrikes na nagresulta man sa pagkagadan kan kadakol na mga indibidwal.
Sa ngunyan, mayo pang kaplanuhan an Israel an mag-untok kan saindang opensiba asin papahewason pa an saindang pag-atake.
