Aram baya nindo mga ka-bombo, an 56-anyos na si Kolsum Akbari pig-ako na piglason kaini hasta magadan an nag-abot sa 11 agom sa laog nin haros 22 na taon.
Alagad an nasambitan ng numero an igwa pang posibilidad na mas halangkaw pa.
Sa laog nin haros duwang dekada, pirme soboot napapalibre si Akbari makalihis na lasunon an saiyang mga nagigin agom sa paagi kan diabetes drugs, sedatives asin industrial alcohol.
Sigun sa babae, an saiyang rason sa nasambitan ng krimen an tanganing mamana an dowries asin saindang pagsasadiri.
Mayong nagsuspetsa ki Akbari huli ta garo soboot natural na kagadanan sana sana an nangyari sa mga nagin agom kan babae.
Susog sa report an saiyang krimen nagpuon kan taong 2000 asin nagpadagos hasta 2023.
Alagad an aki kan saiyang huring biktima na si Gholamreza Babaei, 82-anyos nagsuspetsa asin pig-alerto an mga kapulisan.
Huli digde, napatotoohan na si Akbari an responsable sa pagkagadan kan saiyang 11 agom alagad sigun digde posibleng mag-abot pa ini sa 13 o 15.
