NAGA CITY – Padagos na namamatean sa siyudad nin Naga an halangkaw presyohan kan karneng orig.
Sa entrevista kan Bombo Radyo Naga ki Marilee Lingua, Naga City Veterinary Officer, sinaysay kaini na huli sa low, supply and demand kun kaya padagos na namamatian sa siyudad an presyohan kan karneng orig.
Pig-esplikar man kaini an mga karasonan, enot na digdi an pagkakaigwa nin ASF sa siyudad kan Oktubre kan nakalihis na taon. Ngunyan man na taon nagin pink zone sa siring na helang sa orig an siyudad.
Apwera pa digdi, kan bulan man nin Disyembre kadakol an nangaipohan kan siring na produkto nin huli sa holiday season.
Dugang pa digdi an mga naglalaog sa siyudad nin Naga na mga buyer kan orig kun saen mas mahal an kuahan kaini. Kun kaya nagkakaigwa nin choice an mga nag-aataman nin orig na ipabakal an saindnag orig sa mga mahal man magbakal.
Huli digdi kun kaya padagos paman namamatean an presyohan kan nasambitan ng produkto.
Mientrastanto, sa presente soboot, mayo man nin nairehistrong kaso kan ASF sa siyudad na ipinagpasalamat man kan opisyal.
