Padagos an deliberasyon kan House Committee on Justice tanganing madeterminaran kun sufficient in form and substance an tolong impeachment complaints laban ki Bise Presidente Sara Duterte.
Pig-esplikar ni Batangas Rep. Gerville Luistro na iyo an chairperson kan komitiba na parte kan saindang mandato na nakasurat sa Konstitusyon an pagtukar kan reklamo kontra ki VP Duterte na dae ninda maiiwasan o bayaan.
Tinawang-duon ni Luistro na an impeachment sarong constitutional process asin bako sarong social media contest na madedesisyonan sa paagi nin mga hashtag, huhusgaran sa paagi nin mga memes asin dapat igwa man nin dakul na “like.”
Lininaw man ni Luistro na dawa ngani kadaklan sa mga alegasyon kontra ki VP Duterte yaon sa nakaaging kaso nin impeachment, an sakop sana kan desisyon kan Korte Suprema iyo an teknikal sana
Sigon ki Luistro, dae sakop kan desisyon kan Korte Suprema an merito asin ebidenysa kan mga alegasyon kontra ki VP Sara asin dae man kaini naabswelto an siisay man.
