Nangapudan an House Tri-Committee nin giyera kontra fake news, kasunod kan naglalalang pagkuriyat nin mga salang impormasyon sa social media.
Huli digde, pinahigot kan House Tri-Comm an imbestigasyon kontra sa fake news asin disinformation.
Nagpataan an Komite sa publiko na an padagos na pagpalakop nin fake news an seryosong huma sa demokrasya, pambansang seguridad, asin tiwala tawo.
Sigun ki Surigao del Norte Rep. Johnny Pimentel, saro sa mga co-chair kan Tri-Comm, napapanahon na tangani atubangon an nasambitan ng problema.
An imbestigasyon an pigsagibo kasunod kan privilege speech ni Surigao del Norte Rep. Robert Ace Barbers, na nagpahayag nin pagkahadit sa pamamayagpag nin fake news sa social media asin man an posibleng huma kaini sa public order asin national security.
Pigtawan duon ni Pimentel na kaipuhan sana na surion kun pano nagkukuriyat an fake news sa internet.
Mientrastanto, tinukoy man ni Agusan del Norte Rep. Jose ‘Joboy’ Aquino, co-chair kan Tri-Comm, an hewas kan problema. Sigun ki Aquino, sa mga nakalihis na pagdangog, nagluwas kun pano sistematikong pig kriar asin pigpapalakop an fake news.
Pinag-adalan man sa pagdangog an papel kan social media platforms, independent fact-checkers, asin influencers sa pagpapakuriyat nin impormasyon.
Pigtawan duon kan mga lehislador an importansya kan regulasyon tangani pugulan an marikas na pagkuriyat nin salang impormasyon.
Nangapudan man si Aquino sa mga lehislador asin iba pang sektor na magin aktibo sa paglaban sa disinformation asin makisumaro sa mga urulay magin man an pagtabang tangani masimbagan an isyu kan pagkuriyat nin salang impormasyon.
