Pighali na kan Department of Agriculture (DA) an pagbabawal sa importasyon kan domestic asin wild birds asin saindang by products gikan sa Japan.
Ini an makalihis kumpirmaron kan Japan sa World Organization for Animal Health (WOAH) na mayo ng kaso kan highly pathogenic avian influenza sa nasambitan ng nasyon.
An import ban na pigpautob kan DA kan November 2024 an nagsakop sa karne kan manok, day-old na sisiw, asin semilya.
Huli sa paghali kan import ban, gabos nin transaksiyon sa pag-aangkat na may kinaaraman sa poultry products gikan sa Japan an kinakaipohang magsunod sa nag-iiral na panundon na sanitary, phytosanitary asin import protocols kan Department of Agriculture.
An desisyon piglalaoman na makakatabang tanganing mapatatag an poultry supply chains asin makapagheras nin mas makusog na kakayahan sa supply kan mga lokal na negosyo.
