Pinahimutikan kan Iglesia Ni Cristo (INC) an koneksiyon sa mga akusasyon kan nagbutas na lehislador na si Zaldy Co kontra ki Presidente Ferdinand Marcos Jr.
Sa sarong statement, nilinaw ni INC Spokesperson Edwil Zabala na maski nuarim dae ninda nakaulay si Co asin mayo sindang kinaaraman o nagin papel sa mga nagin pahayag kan dating lehislador.
Ginibo kan religious group an pahayag kasabay kan ikinundusir na enot sa tolong aldaw na “Rally for Transparency and a Better Democracy” sa Quirino Grandstand kan nakalihis na aldaw sa Manila.
Marurumduman, sa iniluwas na video statement ni Co, saiyang inakusaran an Presidente na nakaresebir soboot nin P25 billion kickbacks gikan sa P100 billion na isiningit sa 2025 national budget.
Alagad sa kampo kan palasyo Malacañang, maduon kaining pinahimutikan an mga paratang ni Co komo hearday o haka-haka sana na mayong basehan asin pig-angat si Co na magpuli nin Pilipinas.
