Pigsierto kan Malacañang na kontrolado kan gobyerno an posibleng paglangkaw kan inflation sa nasyon.
Sigun ki Palace Press Officer Undersecretary Claire Castro, nagtitinir sa target kan gobyerno an inflation para sa mga taong-2026 asin 2027.
Sinaysay pa ni Castro hababa pa man an headline inflation, pati na an inflation na naeeksperyensiyahan kan pinakahababang 30% kan mga pamilyang Pilipino.
Ipinaliwanag man kaini na alagad maski naapektaran an produksiyon huli sa maluyang kumpiyansa kan merkado, piglalaomang padikit-dikit na magayon an dalagan kan ekonomiya puon sa ikaduwang kwarter kan 2026 hasta 2027.
Siring man, aminado an Malacañang na igwang magagabat pang huma sa pag-uswag kan ekonomiya, orog na kun maluya an pagbebweltada kan tiwala kan mga mamumuhunan asin konsumer.
