Niratipikahan na kan Kamara de Representantes asin Senado an bicameral conference committee report para sa P6.7-trilyong pambansang budget sa taong 2026.
Ginibo kan Kamara asin Senado an ratipikasyon ngunyan na aldaw, Disyembre 29, 2025.
Enot digde, an bicameral report an pinirmahan kan mga representantes gikan sa duwang kapulungan kan nakalihis na Disyembre 28, 2025 sa PICC, Pasay City.
Pakatapos kan ratipikasyon, ipapadara an enrolled bill sa Malacañang para sa pirma ni President Ferdinand Marcos Jr. sa Enero 5, 2026.
Ini an pinakadakulang budget sa historya kan nasyon na obhetong pondohan an mga primerong programa sa imprastruktura, edukasyon, asin serbisyong panlipunan.
Siring man, nagkapirang lehislador an nagpahayag nin pagkahadit sa soboot “pork barrel” na nakapalaog sa unprogrammed appropriations.
Sa ibong kaini, pigsierto kan liderato kan Kongreso na mas nagin bukas an proseso ngunyan na taon huli sa live-streaming kan bicameral deliberations.
An marekas na ratipikasyon an nagpapahiling kan kamawotan kan lehislatura na masierto an padagos na operasyon kan gobyerno sa pagpupuon kan 2026.
