Inakusaran kan kampo ni dating Presidente Rodrigo Duterte an International Criminal Court (ICC) Prosecutors kan pagpoporbar nin back-door appeal tanganing buhayon an hurisdiksiyon kan korte sa Pilipinas, maski pa nagkalas na ini kan taon pang 2019.
Sa anom na dahong dokumento na isinumiter sa ICC Appeals Chamber, ipigrason kan lead counsel ni Duterte na si Nicholas Kaufman na pigtatawan soboot kan prosekusyon nin ibang boot sabihon an tamang interpretasyon kan ley tanganing bulungon an sadiri kaining kabiguan tanganing maglunsar nin imbestigasuon mantang miyembro pa an Pilipinas.
An kabiguang bukasan soboot an imbestigasyon antes magkalas an sarong nasyon gikan sa ICC an nakasalalay sa mga abaga kan Prosecutor.
Kaya dapat na soboot akuon kan Prosecutor na dae maaabot an paninimbagan sa paagi kan pagbaluktot sa tamang interpretasyon kan ley asin dae ini dapat makadanyar sa derechos kan suspek na nag-agi sa tamang proseso kan ley.
An nasambitan ng dokumento iyo an kahagadan kan kamp ni Duterte na magsimbag sa kasuarin sanang mga argumento kan prosekusyon na naga-angat sa hurisdiksiyon kan ICC.
Sigun sa counsel kan dating Presidente, padagos soboot pigrarason kan prosekusyon na pwedeng ihurot kan ICC an hurisdiksiyon kaini maski na magkalas na an sarong nasyon sa Rome Statute, sa ibong pa kan naenot ng ruling kan Pre-Trial Chamber na pwedeng mayo ng hurisdiksiyon an korte kun an sarong state party an bako ng miyembro kan statute kan puonan kan Prosecutor an imbestigasyon.
